Podle Mateusza:
Jezus pedzieli do arcykapłanow i ołberow ludu:
Co sie myślicie? Jedyn chop mioł dwóch synow. No i pado do piyrszego: „Synek, weź się do roboty i idź do winnicy”. Tyn mu łodpedzioł: „Ja, już ida!”, ale niy poszoł. Pedzioł tyż drugymu to samo. Tyn na to: „Niy, niy kce mi się.” Jednak za kwila się spamiyntoł i poszoł porobić we winnicy. Kery s nich tak richtich posuchoł łojca? Łodpedzieli Mu: „Tyn drugi”.
 |
| Dzisiejsze zdjęcie z mojej "winnicy" |
Toż Jezus im pedzioł: „Na zicher wom godom: celniki i ladacznice wlazujom przed wami do krolestwa niybieskego. Prziszoł do wos Jon po sprawiedliwości, toście mu niy uwierzyli. Uwierzyli mu zaś celniki i ladacznice. Wyście na to się gapiyli, ale nawet potym żeście się niy łopamiyntali, coby mu uwierzyć.
S Panym Bogiym
Andrzej Cichoń
Brak komentarzy:
Prześlij komentarz