Podug Mateusza:
Faryzeusze poszli na bok i deliberowali, jak chycić Jezusa na gŏdce.
No toż posłali do Niego swojich uczniow cuzamyn z ludziami Heroda, coby Mu pedzieli: Rehtorze wiymy, iże Mocie zowżdy prawie i Bożyj drogi akuratnie uczycie. Na żŏdnym Wōm tyż niy zoleży, bo Mocie w zŏcy wszyjskich ludziow. Dyć nom powiydzcie, jak Wōm sie zdowo? Godzi sie dŏwać płat cezarowi abo niy?
 |
| Forum Romanum kaj miyszkoł Cezar |
Jezus przejrzoł ich ôszkliwość i padŏ: Czamu mie kusicie gupiōm gŏdkōm? Pokŏżcie sam ino strzybnioka na płat. Dali Mu dynara. A Ôn ich spytoł: Czyja je ta gymba i szkryf? Ôdpedzieli: Cezara. Toż im padoł: Dejcie cezarowi, co je ôd cezara, a Bogu to, co je ôd Boga.
Ôstōńcie z Bogiym
Brak komentarzy:
Prześlij komentarz