Na dworze leje, jak pieron, ale sie tak myśla, co byda w doma siedzioł i pojechoł żech do Katowic na Marsz Autonomii Ślonska.
Choć pogoda pod psym, ludziskow przyijszło cało masa. Startnyli my z Placu Wolności.
Żol, że na przodku już niy mog jechać na swoim motorze śp. Michał Smolorz. Ale misiezdo, że kibicowoł nom z gory.
Ludziska mieli sztandary, balony i inksze szpeje do łonaczynio.
Po drodze muzykowała nom łorkestra.
Ponoć nojwiynkszo ślonsko fana miała kole 100 m dugości. Łoboczcie sie, jak przełażom s niom bez Rawa (na zdjyńciu zmieścioł sie ino jeji konsek).
Jak my już doleźli na Plac Sejmu Ślonskego, to spotkali my tam drobno kontr-manifestacja. Niy wiym za bardzo ło co im szło, ale som łobrozek poniżyj nojbardzij mi sie kojarzy z hasłym, kere my wołali:
"Autonomia jest wspaniała - i Śląsk syty, Polska cała!"
Bo trza Wom wiedzieć, że żodyn tam niy godoł ło łodrywaniu Ślonska łod Polski. My ino chcymy bardzij poczuć sie u siebie. Niy muszom nom przeca ło wszyjskim dyrygować z Warszawy, pra?
My som Ślonzoki i tyż sie czasym trza tym poasić.
Jo myśla, że Korfanty bołby z nos dumny.
Łostońcie z Bogiym
W tym, co Pan napisał, dominuje naiwność, czy coś innego? RAŚ należy do Wolnego Sojuszu Europejskiego, którego członkami są m. in nacjonalistyczne partie szkocka i katalońska, dążące do niepodległości swych krajów. RAŚ nie mówi o oderwaniu GŚ od Polski, gdyby to robił, zostalby zdelegalizowany. Cel WSE i RAŚ to przekształcenie Europy dotychczas istniejących państw w Europę regionów, demontaż państw narodowych
OdpowiedzUsuńW tym co napisałem, a bardziej to, że uczestniczyłem w Marszu świadczy tylko i wyłącznie o moim przywiązaniu do Małej Ojczyzny - Śląska.
OdpowiedzUsuńA na poziomie politycznym, bliska jest mi idea samorządności i decentralizacji.
I tyle :)