Podug Mateusza:
Jezus ôpedzieli swojim uczniom tako bojka:
Krōlestwo niybieske podane je na bauera, kery wylŏz wczas rano, coby znoś chopōw do srywaniŏ wina we swojij winnicy. Ugŏdoł sie s chopami na dynara za szychta i posłoł ich do roboty. Jak wylŏz kole dziewiōntyj, trefioł na rynku inkszych, co nic niy robiyli i im padoł: "Idźcie chopy tyż do mojij winnicy, a jŏ wōm za robota zapłaca po mojimu uważaniu". Ôni poszli. Potym jeszcze wylŏz kole połednia i jeszcze jak pizło trzi i to samo sie wyłōnaczyło.
Kiej wyszoł kole piōntyj po połedniu, jeszcze rŏz trefioł na chopōw kerych zapytoł: "Czamu sam stoicie po prōżnicy cołki dziyń?" Ôdpedzieli mu: "Bo nos żŏdyn niy najoł do roboty". To im padoł: "Dyć idźcie i wy do mojij winnicy".
 |
| W mojim ôgrodku |
Na wieczōr bauer pedzioł do swojigo finansministra: "Zawołej chopōw i zapłoć im geltak, nojprzōd tym ôstatnim, aże do piyrszych". Prziszli ci, co zaczli kole piōntyj i erbli po dynarze. No toż ci, kerzy robiyli ôd rana, myśleli, że dostanōm wiyncyj; ale ôni tyż dostali po dynarze.
Wziynli geltag, ale zaczli wajać na bauera, bo gŏdali: "Ci ôstatni robiyli ino godzina, a tyś ich potraktowoł tak, jak nos, kerzy my harowali cołki dziyń we festelnyj hicy". Toż bauer jednym s nich ôdpedzioł: "Pszocielu, niy robia ci krziwdy. Dyć ugŏdali my sie na dynara, pra? Weź twoje piniōndze i idźżyż mi stōnd. Kca tyż i tymu ôstatniymu dać tak samo, jak ciebie. Dyć mōm prawo uczynić ze swym, co mi sie podobo, ja? Czy na to złym ôkym filujesz, że jŏ je dobry?" Tak to ôstatni bydōm piyrsi, a piyrsi bydōm łostatni.
Ôstōńcie z Bogiym
Brak komentarzy:
Prześlij komentarz