Podug Mateusza
Jezus pedzieli swojim uczniom:
Jak twōj brat zgrzyszy ci na skwol, idź i powiydz mu to we sztyry ôczy. Jak cie usucho, bydziesz mioł u niego fory.
Jak cie niy usucho, weź ze sobōm jeszcze kamarata abo dwóch, coby na gŏdce dwóch abo czech chopōw sie sprawa ôparła. Jak i wos cuzamyn niy usucho, dej na to pozōr Kościołowi. Jak i Kościoła niy usucho, niych ci bydzie ganz egal, dej sie s nim pokōj.
Na zicher wōm godom: wszyjsko co załōnaczycie na ziymi, bydzie załōnaczōne w niebie, a co rozłōnaczycie na ziymi, bydzie tyż rozłōnaczōne we niebie.
I jeszcze po prŏwdzie wōm godom: Jak dwóch z wos na ziymi cuzamyn bydōm ô coś prosić, dostanōm to ôd mojego Ôjca, kery je w niebie. Bo kaj dwóch abo czech mŏ tref coby kwolić moje miano, tam Jŏ je s nimi cuzamyn.
 |
| Kaj dwóch abo czech... |
Ôstōńcie z Bogiym
Brak komentarzy:
Prześlij komentarz