Podle Mateusza:
Jezus pedzieli swojim uczniom:
Jak twoj brat zgrzyszy ci na skwol, idź i powiydz mu to we sztyry łoczy. Jak cie usuchnie, bydziesz mioł u niego fory.
Jak cie niy usuchnie, weź ze sobom jeszcze kamarata abo dwóch, coby na godce dwóch abo czech chopow sie sprawa łoparła. Jak i wos cuzamyn niy usuchnie, dej na to pozor Kościołowi. Jak i Kościoła niy usuchnie, niych ci bydzie ganz egal, dej sie s nim pokoj.
Na zicher wom godom: wszyjsko co załonaczycie na ziymi, bydzie załonaczone w niebie, a co rozłonaczycie na ziymi, bydzie tyż rozłonaczone we niebie.
I jeszcze po prowdzie wom godom: Jak dwóch z wos na ziymi cuzamyn bydom ło coś prosić, dostanom to łod mojego Łojca, kery je w niebie. Bo kaj dwóch abo czech mo tref coby kwolić moje imie, tam Jo je s nimi cuzamyn.
S Panym Bogiym
Brak komentarzy:
Prześlij komentarz