Klara

U nos na Ślonsku na słońce godo sie "klara".

Klara we Chorwacji łońskego roku

Klara czasym fest blyndzi po łoczach, ale jo tam mom rod, jak piyknie grzeje.

Klara to tyż jes lipsta łod Francka. Wiycie, łona fest pszała swojymu szacowi, a jak łon sie seblyk do naga i ... potym założoł klosztor we Asyżu, to łona wziyna i łostała klosztornom pannom, coby za niego i za inkszych rzykać.

Kościoł św. Klary we Asyżu

Klara łostała kiejś patronkom telewizyjoka.

Toż winszuja wszyjkim, kerzy we TVP, TVN, Trwam, Polsacie i inkszych kanałach łonaczom, coby im klara niy grzoła w dekel, coby gupot niy robili, a św. Klara nad nimi miała pozor, coby dobre rzeczy nom kcieli pokazować.

Łostońcie z Bogiym!