Podug Jōna
Jezus pedzieli do swojich uczniōw:
"Jeśli Mi pszajecie, bydziecie zachowywali moje przikŏzania. Jŏ zaś byda prosiōł Ôjca, a inkszego Parakleta wōm do, coby boł s wami na zawsze.
Jak mi ftoś pszaje, bydzie zachowywōł moja nauka, a mōj Ôjciec bydzie mu pszoł i przijdymy do niego i chałpa u niego zrobiymy za swoja. Fto mi niy pszaje, tyn niy zachowywo mojich godkōw. A nauka, kero suchocie, niy je moja, ino Tego, kery Mie posłoł, Ôjca.
To wōm godom, jak żech je s wami. A Paraklet, Duch Świynty, kerego Ôjciec pośle we moje miano, Ôn wos wszyjskigo nauczy i spōmni wōm wszyjsko, co Jŏ żech wōm pedzioł.
Ôstōńcie z Bogiym
Brak komentarzy:
Prześlij komentarz