Podug Mateusza
Jezus pedzieli do swojich japostołōw:
"Niy strachejcie sie ludziōw! Dyć niy ma nic skrytego, coby niy miało być wyjawione, ani żŏdnych tajymnic, ô kerych niy szło by się dowiedzieć. Co wōm godom po ćmoku, powtŏrzejcie po jasnoku, a co usłyszycie na ucho, larmujcie ô tym na cołki głos.
Niy strachejcie sie tych, co mogōm zaciukać ciało, dyć duszy krziwdy niy poradzōm zrobić. Strachejcie sie Tego, kery i dusza i ciało moge wtrzaś do piekła. Czy niy przedŏwajōm dwōch ciōmpli za grosze? A przeca bez woli Ôjca waszego żŏdyn niy sleci na ziym. U wos zaś porachowane sōm wszyjske wosy na gowie. Bez toż sie niy strachejcie: sōm żeście ważniejsi niźli wiela ciōmpli.
 |
| Ciōmpel - wersja izraelsko |
Do kożdego zaś, co sie prziznŏ do Mie przed ludziami, prziznōm sie i Jŏ przed mojim Ôjcym, kery je w niebie. Ale kery sie Mie zaprze przed ludziami, tego zapra sie i Jŏ przed mojim Ôjcym, kery je w niebie."
Ôstōńcie z Bogiym
Brak komentarzy:
Prześlij komentarz