Podug Mateusza:
Jezus pedzieli do swojich uczniōw:
"Jak bōło za dni Noego, tak bydzie ze przijściym Syna Człowieczego.
 |
| Jak bōło za dni Noego |
Dyć, jak przed potopym jedli i piyli, żyniyli sie s babom i wydŏwali sie za chopa aż do dnia, kiej Noe wlŏz do arki, i sie niy spōmiarkowali, aże prziszoł potop i zaloł ich wszyjskich, tak tyż bydzie ze przijściym Syna Człowieczego. Wtynczŏs dwóch bydzie na dworze: jedyn bydzie wziynty, drugi ôstawiony. Dwie bydōm mleć mōnka: jedna bydzie wziynto, drugo ôstawiono.
Toż dejcie pozōr, bo niy wiycie, kerego dnia Pōn wasz przidzie, a to sie forsztelujcie: Jakby gospodŏrz wiedzioł, ô keryj w nocy przidzie kradziok, na zicher by go przifilowoł i niy doł by mu sie włōmać do swojij chałpy. Beztōż i wy dŏwejcie pozōr, bo ô godzinie, keryj sie niy spodziywŏcie, przidzie Syn Człowieczy.
Ôstōńcie z Bogiym
Brak komentarzy:
Prześlij komentarz