Podug Łukasza:
Jak niykerzy gŏdali ô świontyni, że je prziôzdobiono piyknymi kamyniami i gyszynkami, Jezus pedzieli: "Przijdzie czas, kiej s tego co ôglodndocie niy ôstanie kamol na kamolu, kery by niy boł zwalony".
 |
| Jerozolima |
Spytali sie Go: "Nouczycielu, kiej to przijdzie? I jaki bydzie znak, jak sie to zacznie dziŏć?"
Jezus ôdpedzieli: <<Dejcie pozōr, coby wos niy zrobiyli za błozna. Mocka przidzie pod mojim mianym i bydōm gŏdali: "To je jŏ" i "Prziszoł już czas". Niy idźcie za niymi! I niy strachejcie sie jak usłyszycie ô wojnach i przewrotach. To nojprzōd "musi sie stać", ale niy zarŏz przijdzie koniec>>.
Wtynczŏs do nich gŏdoł: "Powstanie nacyjo kontra nacyji" i krōlestwo kontra krōlestwu. Bydōm trzyńsiynia ziymi, a miejscami głōd i zaraza; pokŏżōm sie straszne dziwy i wielge znaki na niebie. A przōdzi podniesōm na wos rynce i bydōm wos prześladować. Wydzadzōm wos do synagog i do haresztōw i skuli mojigo miana wlyc wos bydōm przed krōlōw i namiestnikōw. Bydzie to dlŏ wos sposobnoś do dŏwaniŏ świŏdectwa. Forsztelujcie sie w hercu, coby przōdzi niy rychtować swoji ôbrony. Dyć Jŏ dom wōm tako gŏdka i mondroś, keryj żŏdyn z waszych prześladowcōw niy bydzie sie mōg ôprzić ani dać ij rada. A wydŏwać wos bydōm nawet ôjce i braty, krewne i pszociele i niykerych s wos ô śmierć prziprawiōm. I skuli mojigo miana bydziecie w niynŏwiści u wszyjskich. Ale wos z gowy wōm niy śleci. Bez swoja wytrwałoś ôcalicie wasze żywobycie.
Ôstōńcie z Bogiym
Brak komentarzy:
Prześlij komentarz