Czytanie z Ksiyngi Jozuego
Pōn pedzieli do Jozuego: "Dzisiej żech ściep z wos egipsko gańba".
Izraelity rozbiyli sie ôbozym we Gilgal i tam zaczli świyntować Pascha sztyrnŏstego we wieczōr, na stepach Jerycha. Na drugi dziyń we Pascha jedli to, co urodziyła ziymia we tym kraju, przaśny chlyb i prażone tego dnia ziŏrka.
 |
| Zielony i żyzny Kanaan widziany zza Jeziora Genezaret |
Manna sie skończyła na drugi dziyń, jak ino zaczli jeś plony tyj ziymi. Niy mieli już wiyncyj Izraelity manny, ino jedli latoś plony ziymi Kanaan.
Czytanie z Drugigo Listu Świyntego Pawła Japostoła do Koryntian
Braty:
Jak ftoś ôstowo we Krystusie, to je nowym stworzyniym. To, co dŏwne, poszło fŏrt, a tera wszyjsko je nowe. Wszyjsko zaś pochodzi ôd Boga, kery nos pojednōł ze sobōm bez Krystusa i kŏzoł nom sużyć we jednaniu inkszych. Bo tyż we Krystusie Bōg pojednōł ze sobōm świat, bo mŏ za nic ludzke grzychy, a nom doł słowo jednaniŏ. No toż we miano Krystusa spełniōmy posłanie choby samego Boga, kery bez nos dŏwŏ napōmiynia.
We miano Krystusa proszymy: pojednejcie sie z Bogym! Toż Ôn skuli nos uczyniōł grzychym Tego, kery niy znoł grzychu, coby my sie ôkozali w Nim Bożōm sprowiedliwościōm.
Ôstōńcie z Bogiym
Brak komentarzy:
Prześlij komentarz