Czytanie z Ksiyngi proroka Jerymiosza
Tak gŏdŏ Pon:
Dyć idom już dni, kiej wypełnia pomyślno zapowiydź, ô jakij doł żech piyrwyj znać domowi izraelskymu i domowi judzkymu.
Wtynczŏs wyłōnacza Dawidowi potomstwo sprowiedliwe; bydzie wymierzać prawo i sprowiedliwoś na ziymi.
Wtynczŏs Juda erbnie zbŏwiynie, a Jerozolimie dajom pokōj. To zaś je miano, jakim bydōm jōm wołać: Pon naszōm sprowiedliwościōm.
 |
| Jerozolimie dajom pokōj |
Czytanie z Piyrszego Listu Świyntego Pawła Japostoła do Tesaloniczan
Bracia:
Pon niych pomnoży waszŏ liczba i niych spotynguje wasze wzajymne pszajanie dlŏ sia i dlŏ wszyjskich, jake i my mōmy dlŏ wos; coby herca wasze utwierdzone ôstały w czystyj świyntości wobec Boga, Ôjca naszego, na przyjście Pona naszego, Jezusa, cuzamyn ze wszyjskimi Jego świyntymi.
Na koniec, bracia, proszymy wos i napominomy w Ponu Jezusie: zgodnie z tym, co żeście ôd nos erbli ô sposobie postympowaniŏ i podobaniŏ sie Bogu - dyć jak już postympujecie - stŏwejcie sie corŏz bardzij doskonali! Dyć wiycie, jake nakazy ôstawiyli my wōm w imie Pona Jezusa.
Ôstōńcie z Bogiym
Brak komentarzy:
Prześlij komentarz