Czytanie z Ksiyngi proroka Jerymiosza
Pon powiadajōm:
"Dejcie sie pozōr pastyrze, kere kludzicie do zguby i rozprŏszŏcie ôwce z mojigo pastwiska.
Beztōż tak gŏdŏ Pon, Bŏg Izraela, ô pastyrzach, kere majom paś moja nacyjo: Wyście rozproszyli moje ôwce, rozegnaliście i niy daliście na nie pozōr. Toż Jŏ dom pozōr na niyprawoś waszych uczynkow.
Jŏ sōm skludza Reszta mojich ôwiec ze wszyjskich krajōw, kaj żech je wypyńdziōł. Skludza je na jejich pastwisko, coby sie mnożyły i boło ich dużo. Mianuja nad nimi pastyrzy, coby je paśli i niy bydōm sie już strachać ani boć, ani żŏdno sie już niy zapodzieje.
Dyć już sie zbliżajōm dni, jak wyłōnacza Dawidowi sprŏwiedliwo Ôdrośl. Bydzie rzōńdziōł jako krōl, bydzie mioł rozwaga i bydzie mioł recht i sprowiedliwoś na ziymi. Za jego dni Juda erbnie zbŏwiynie, a Izrael bydzie mioł pokōj. Take zaś bydzie Jego miano, kerym bydōm Go wołać: "Pon naszōm sprŏwidliwościŏm".
 |
| Ôwce |
Czytanie z Listu Świyntego Pawła Japostoła do Efezjan
Bracia:
We Krystusie Jezusie wy, kere dŏwnij byliście fort, staliście sie bliske, bez krew Krystusa. Toż Ôn je naszym pokojym. Ôn, kery ôbie czyńści ludziow złonaczoł w jedno, bo zburzoł mur, kery boł pomiyndzy - wrogoś. We swym ciele postradoł mocy Prawo przikozoń, kere sie zawiyro we zarzōndzyniach, coby ze dwōch rodzajōw ludziōw stworzić w sia jednego nowego człeka. Tak wkludziōł pokōj i tak jednych i drugich pojednoł z Bogiym, w jednym Ciele bez krziż i w sia ukatrupioł wrogoś.
A jak prziszoł, to ôgłosiōł pokōj wōm, kere ście sōm fort i pokōj tym kerzy sōm po blisku. Bo skuli Niego jedni i drudzy w jednym Duchu mōmy przistymp do Ôjca.
Ôstōńcie z Bogiym
Brak komentarzy:
Prześlij komentarz