Czytanie z Drugij Ksiyngi Krōlewskij
Jedyn chop prziszoł z Baal-Szalisza i prziniōs mężowi Bożymu, Elizeuszowi, chlyb z piyrwocin, dwadziścia chlebōw z jynczmiynia i miech świyżego zboża. Ôn zaś kŏzoł: "Dej ludziom, niych sie pojedzōm!"
A dyć jego suga sie staroł: "Jak jŏ mōm tym ôbdzielić sto ludziow? Toż mu ôdpedzioł: "Dej ludziom i niych jedzōm, bo tak gŏdŏ Pon: Najedzōm sie i ôstawiōm kruszki". Położōł to przed nimi i richtich pojedli sie i jeszcze ôstawiyli kruszki - podug słowa Pańskigo.
 |
| Chlyb (z tustym) |
Czytanie z Listu Świyntego Pawła Japostoła do Efezjan
Bracia:
Zachyncōm wos jŏ, wiynziyń w Panu, cobyście sie prowadziyli na sposób godny powołaniŏ, do jakigo someście wezwani, z cołkom pokorom i cichościom, ze cierpliwościom, znoście sie wzajym we pszoniu. Starejcie sie zachowywać jednoś Ducha dziynki wiynzi, jakom je pokōj.
Jedno je Ciało i jedyn Duch, bo tyż zostaliście wezwani do jednyj nadzieji, jako dŏwŏ wasze powołanie. Jedyn je Pon, jedna wiara, jedyn krzest. Jedyn je Bŏg i Ôjciec wszyjskich, kery je i działo ponad wszyjskimi, bez wszyjskich i we wszyjskich.
Ôstōńcie z Bogiym
Brak komentarzy:
Prześlij komentarz