Czytanie z Ksiyngi proroka Amosa
Amazjasz, kapłon w Betel, padoł do Amosa: "Te, kery widzisz", idź sie stōnd, szmaruj do ziymi Judy! I tam jydz chlyp, i tam sie prorokuj! A w Betel wiyncyj niy prorokuj, bo sam je krōlewsko świontynia i krōlewsko budowla".
I ôdpedzioł Amos Amazjaszowi: "Jŏ niy ma prorok ani żech niy je synym prorokōw. Dyć jŏ je pastyrz i mom tyż fucha przi nacinaniu sykomor. Ôd gowiedzi wziōn mie Pon i mi padoł: "Idź, prorokuj dlŏ mojij izraelskij nacyji!"
 |
| Sykomora |
Czytanie ze Listu Świyntego Pawła Japostoła do Efezjan
Niych bydzie bogosławiōny Bŏg i Ôjciec Pona naszego, Jezusa Krystusa; Ôn napołnioł nos wszelkim bogosławiyństwym duchowym na wyżynach niybieskich - we Krystusie.
Dyć w Nim ôbsztalowoł sie nos przed założyniym świata, coby my byli świynte i niyskalane przed Jego ôbliczym.
Skuli pszonio przeznaczoł nos dlŏ sia i wziōn nos za swe syny bez Jezusa Krystusa, jak postanowioł swojōm wolom, ku kwale majestatu swyj łaski, kerom nos ôbdarzoł w Szacu.
W Nim mōmy ôdkupiynie bez Jego krew - ôdpuszczynie wystympkōw podug bogactwa Jego łaski. Szczodrobliwie jōm na nos wyloł, jako mondroś i spokopiynie, bez toż, że nom doł znać ô tajymnicy swoji woli, podug postanowiynia, kere przōdzi w Nim powziōn dlŏ wyłonaczynio pełni czasōw, coby wszyjsko ôd nowa zjednoczyć we Krystusie jako Gowie: to, co w niybiesiech, i to, co na ziymi.
Ôstōńcie z Bogiym
Brak komentarzy:
Prześlij komentarz