Podug Jona:
Zanosiyło sie już po leku na świynta Paschy żydowskij, tōż Jezus prziszoł do Jerozolimy. We świontyni trefioł na siedzōncych za stołami bankerow i inkszych handlyrzy ôd wołow, ôwcow i gołymbiow. Jak to ôbŏczōł, sprawiōł sie bicz ze sznorow i przegōnioł wszyjskich ze świontynie, razym z baranami i wołami, porozciepowoł piniōndze, a stoły poprzewrŏcoł. Do tych, co handlowali gołymbiami, pedzioł: "Biercie sie stōnd i niy rōbcie z domu mojigo Ôjca tŏrgu!" Ucznie Jego sie spōmnieli, że je napisane: "Gorliwość ô dom Twōj mie szteruje".
Na to Żydy Mu pedzieli: "Jakim znokiym sie wykŏżesz, skoro robisz take rzeczy?" Jezus im ôdpedzioł: "Swalcie ta świontynia, a Jo jōm bez trzi dni postawia nazot".
 |
| Tela ôstało z Jerozolimskij Świontynie - kōnsek muru - Ściana Płaczu |
Pedzieli do Niego Żydy: "Sztyrdziści szejś lot stŏwiali ta świontynia, a ty som poradzisz ja złonaczyć bez trzi dni?"
Ôn zaś gŏdoł ô świontyni swojigo ciała. Jak zmartwychstōł, spōmnieli na to Jego ucznie i uwierzyli Pismu o gŏdce Jezusa.
A dyć jak boł w Jerozolimie bez świynta Paschy, mocka ludziow uwierzyło w Jego imie, jak widzieli znaki, kere czynioł. Jezus zaś żŏdnymu sie niy zwierzoł, bo wszyjskich znoł i niy potrzebowoł niczyjego świŏdectwa ô człeku. Bo sōm wiedzioł, co kożdy mŏ w zonadrzu.
S Panym Bogiym
Brak komentarzy:
Prześlij komentarz