 |
| Rok 1976 |
To je jo - tyn czorny z mojim bracikym - tyn siwy. Wybrali my sie na szpacyr kajś do lasu na Halymbie.
Co my tam w tyj ziymi znodli? Niy wiym. Abo my cosik kijokami na piochu rysowali? Ja, chyba ja.
Jakby to terozki dzisiejszym bajtlom wyklarować? Forsztelujcie sie, że na ziymi momy taki wielgi mobilniok z rysikym abo tablet. Jak sie coś nabazgrało, to zawsze szło łobrozek nogom zresetować. :)
Już wtedy my mieli we tym sprzyncie efekty animacyji 3D: to jakoś mrowca sie przikludzioła abo glisda wylazła ze ziymie, a przi uchu ci bzyczoł kopruch.
Wszyjskim dzisiejszym i jutrzejszym bajtlom winszuja, coby mieli kaj do lasu łazić i coby prowdziwego żywota w realu niy zamieniali na te sztuczne z komputerowych graczek.
Łostońcie z Bogiym!
Brak komentarzy:
Prześlij komentarz