Podle Mateusza
Jezus pedzieli do swojich japostołow:
"Niy strachejcie sie ludziow! Dyć niy ma nic skrytego, coby niy miało być wyjawione, ani żodnych tajymnic, ło kerych niy szło by się dowiedzieć. Co wom godom po ćmoku, powtarzejcie po jasnoku, a co usłyszycie na ucho, larmujcie ło tym na cołki głos.
Niy strachejcie sie tych, co mogom zaciukać ciało, dyć duszy krziwdy niy poradzom zrobić. Strachejcie sie Tego, kery i dusza i ciało moge wtrzaść do piekła. Czy niy przedowajom dwoch ciampli za grosze? A przeca bez woli Łojca waszego żodyn niy sleci na ziym. U wos zaś porachowane som wszyjske wosy na gowie. Bez toż sie niy strachejcie: som żeście ważniejsi niźli wiela ciampli.
 |
| Ciampel |
Do kożdego zaś, co sie przizno do Mie przed ludziami, prziznom sie i Jo przed mojim Łojcym, kery je w niebie. Ale kery sie Mie zaprze przed ludziami, tego zapra sie i Jo przed mojim Łojcym, kery je w niebie."
S Panym Bogiym
Brak komentarzy:
Prześlij komentarz