Łodkond żech boł bajtel pamiyntom, że świynty Mikołoj to boł biskup, kery mioł na gowie tako wielgo czopka, jak ... biskup właśnie i w rynku tako srogo kryka z zawijasym na wiyrchu.
 |
| Z Muzeum Archidiecezjalnego w Katowicach |
Mikołoj usuchliwym bajtlom dowoł gyszynki. A jak ftoś boł chachor to mog erbnońć hasie abo łoszkrabiny.
No i co s tego, że jo boł porzond posuszny synek, jak jo i tak tego Mikołoja sie festelnie boł. Jak jo łoboczoł te dziwaczne łobleczynia, bioło broda i usłyszoł tako tubalno godka, to jo i tak woloł citnońć i beczoł żech wniebogłosy.
Zy mie to boł jednak fest mamlas.
Dzisiej sie już Świyntego Mikołoja niy lynkom, ino go pokornie prosza, coby za nami porzykoł u Pon Bóczka, żeby my tyż poradziyli być tak miłosierne, jak łon kiejś tam downo tymu.
Łostońcie z Bogiym
Brak komentarzy:
Prześlij komentarz