Czytanie z Ksiyngi proroka Jerymiosza
Tak gŏdŏ Pōn: "Pieron je s chopa, kery ciōngnie nadziejom ku człekowi i kery widzi swoja siła ino w musklach, a ôd Pōna zwyrtŏ swoje herce. Je ôn podany na dzikego krzŏka na stepie, niy poradzi sie kapnōńć, jak mu szczyńście przichodzi; ôbsztalowuje sie plac cołkim zgorany na pustyni, solono i bezludno ziymia.
Bogosławiōny chop, kery dŏwŏ pozōr na ufnoś w Pōnu, i Pōn je jego nadziejom. Je ôn podany na drzewo zaflancowane przi wōdzie, kere swoje korcze puszczo ku strumiyniowi; niy stracho sie, jak przijdzie wŏr, bo ôbstojōm na nim zielōne listki; niy staro się tyż we roku posuchy i porzōnd wydŏwŏ frukty".
Czytanie z Piyrszego Listu Świyntego Pawła Japostoła do Koryntian
Braty:
Jak sie głosi, że Krystus zmartwychstōł, to czamu nikerzy s fos gŏdajōm, że niy ma zmartwychstaniō? Jak umarlŏki niy zmartwychstajōm, to i Krystus niy zmartwychstōł. A jak Krystus niy zmartwychstōł, na psinco je waszŏ wiara i porzōnd ôstowōcie we waszych grzychach. Toż i ci co wziyni i umarli we Krystusie, poszli na zatracynie. Jak ino we tym żywobyciu dŏwōmy nadzieja we Krystusa, sōm my ôstatnie siyroty.
Ja, jednak na zicher Krystus zmartwychstōł, piyrwyj ze wszyjskich, co wziyni i umarli.
 |
| Bazylika Grobu Pańskigo we Jeruzalym |
Ôstōńcie z Bogiym
Brak komentarzy:
Prześlij komentarz