Czytanie z Ksiyngi proroka Izajasza
Stŏwej! Blynduj, Jeruzalym, bo prziszło twe światło i kwała Pańsko błyskŏ nad tobōm. Dyć ćmok skrywŏ ziymia i gynsty mrok ôbtoczōł ludy, a ponad tobōm jośnieje Pōn, i Jego kwała zjawiŏ sie nad tobōm.
I pudom nacyje do twojigo światła, króle do blysku twojigo wschodu. Luknij dokoła i ôbŏcz: te wszyjske, co sie sam sebrali, idom do cia. Twoje synki prziłażōm z daleka, na rynkach smyczōne twoje cery.
Wtynczŏs ôbŏczysz i bydziesz prōmiyniować, a twoje herce sie zatrzyńsie i sie ôzszyrzy, bo do cia napłynōm zamorske bogactwa, dobra narodōw przidōm ku cia. Zaleje cie liczba kamelōw - dromadery z Madianu i z Efy. Wszyjscy ôni przidōm z Saby, dajōm gyszynki: złoto i kadzidło. Bydōm nucić z uciechom pieśniczki ku czci Pōna.
 |
| Kamela |
Czytanie z Listu Świyntego Pawła Japostoła do Efezjan
Bracia:
Dyć żeście słyszeli ô danyj mi bez Boga łasce, kero żech erbnōł dlŏ wos, że do prŏwdy bez ôbjawiynie ôstała mi ôbjawiono ta tajymnica. Niy bōła ôna ôbznojmiōno synōm ludzkim przōdzij we gyneracyjach tak, jak tera ôstała erbniynto ôd Ducha bez Jego świynte japostoły i proroki. To znŏczy, że pogany już terŏzki sōm tyż erbami i tyż członkami Ciała, i tyż uczesnikami ôbiecki we Krystusie Jezusie bez Wanielijo.
Ôstōńcie z Bogiym
Brak komentarzy:
Prześlij komentarz