Czytanie z Ksiyngi Mondrości
Rzykoł żech i mōg żech spokopić, wołołch i prziszoł mi z pomocom duch Mōndrości. Ôcynił żech ja wyżyj niż berła i trony, przi nij za nic mōm roztōmajte bogactwa. Niy przirōwnoł żech ij do drogich kamoli, bo wszystko złoto przi nij je jak goś piŏsku, a srybro przi nij je jak maras.
Przaja jij bardzij niż zdrowiu i gryfności i wola ja niźli światło, bo jejij blyndzynie niy ustŏwŏ. A cuzamyn s niōm prziszły mi wszyske dobra i wielge bogactwa w jejij rynku.
Czytanie z Listu do Hebrajczykow
Boże słowo je żywe, skuteczne i nabruszōne bardzij niż ôbosieczny miecz, poradzi rozdzielić dusza i ducha, stowy i szpik we kościach, poradzi tyż ôsōndzić pragniynia i myśli herca. Niy ma stworzynia, kere by było dlŏ Niego niywidzialne; w kontrze, wszystko ôdkryte i ôdsłonione je przed ôczami Tego, kerymu bydymy musieć zdać rachunek.
Ôstōńcie z Bogiym
Brak komentarzy:
Prześlij komentarz