Czytanie z Ksiyngi Przisłow
Mondroś postawiōła sie chałpa, wyciosała siedym kolumnow, ubiyła zwierzoki, namiyszała wina i zrobiyła jubel. Posłała umyślnych, coby wołali na gōrkach miasta: "Biydok niych tukej przidzie!"
Do tego, komu brak rozumu, gŏdała: Poćcie, najydzcie sie mojich chlebym, pijcie wino, kere żech zmiyszała. Wyciepcie gupota, a bydziecie żyć, łaźcie prosto drogom rozsōndku".
 |
| Wino w Izraelu |
Czytanie z Listu Świyntego Pawła Japostoła do Efezjan
Dejcie pozōr, jak sie sprawujecie: niy jak gupki, ale jak mōndre chopy. Wyłōnaczejcie kwila sposobno, bo momy złe dnie. Toż niy bydźcie gupie, ino starejcie sie spokopić, jako je wola Pona.
Niy ôżyrejcie sie winym, bo z tego sie biere rozpusta, ale nafolujcie sie Duchym i godejcie do sia bez psalmy i hymny i bez pieśniczki pełne ducha, śpiywejcie i wysławiejcie Pona w waszych hercach. A dyć za wszyjsko dejcie podziynka Bogu Ôjcu we miano Pona naszego, Jezusa Krystusa.
Ôstōńcie z Bogiym
Brak komentarzy:
Prześlij komentarz