Czytanie z Ksiyngi Wyjścia
Na pustyni cołke zgrōmadzynie Izraelitow zaczło marudzić przeciw Mojżyszowi i Aaronowi. Izraelity gŏdali im: "Toż dobrze by boło jakby my pomarli z rynki Pona w ziymi egipskij, kaj mieli my w gorku kōnsek miynsa i na chlyb tyż nom stykło. Wykludziyliście nos na ta pustynio, coby głodym zamorzyć całki tyn tłum".
 |
| Pustynio Judzko |
Pon pedzioł wtynczŏs do Mojżysza: "Toż pośla wōm chlyb z nieba, jak dyszcz. I bydzie lud wychodziōł na dwōr i kożdego dnia bydzie zbiyroł wiela mu na dziyń potrzeba. Chca ich tyż wyprōbować, czy pódom za mojimi rozkozami czy niy".
"Słyszoł żech marudzynie Izraelitow. Powiydz im tak: Na wieczor bydziecie jeś miynso, a rano sie pojycie chlebym. Poznŏcie wtedy, że Jo Pon, je żech wasz Bŏg".
No i richtich, na wieczōr przifurgły przepiōrki i sleciały na ôbōz, a na drugi dziyń rano rosa leżała dokoła ôbōzu. A jak sie rosa dźwigła, to na pustyni leżało cosik drobnego, jakeś ziŏrka, choby szron na ziymi.
Jak to ôbejrzeli, Izraelity, pytali sie siebie: "Co to je?" - bo niy wiedzieli, co to boło.
Toż im Mojżysz wytuplikowoł: "To je chlyb, kery dŏwŏ wōm Pon do jedzyniŏ".
Czytanie z Listu Świyntego Pawła Japostoła do Efezjan
Bracia:
To godom i zaklinom sie na Pona, cobyście już niy prowadziyli sie tak, jak sie prowadzom pogany z jejich gupim myślyniym.
Dyć wy niy tak nauczyliście sie Krystusa. Słyszeliście przeca ô Nim i mieliście to wytuplikowane w Nim, zgodnie z prŏwdōm, kero je w Jezusie. Że - co sie tyczy poprzednigo sposobu życiŏ - trza pociepnōńć dŏwnego człeka, kery dŏwŏ sie popsuć, skuli pierzińskij chuci. Trza ôdnowiać sie duchym w waszym pomyślunku i prziôblyc sie we nowego człeka, stworzonego na ôbroz Boga, w sprowiedliwości i prŏwdziwyj świyntości.
Ôstōńcie z Bogiym
Brak komentarzy:
Prześlij komentarz