Podug Łukasza:
Za czasow Heroda, krola Judeji, żoł jedyn kapłan, co mioł na miano Zacharyjosz, z łoddziału Abiosza. Mioł łon żona z familije Aarona, kero wołali Elżbiyta. Ôboje byli fest sprawiedliwe wobec Boga i sprawowali sie recht podug wszyjskich przikŏzań i Pańskich przepisow. Nie mieli jednak dziecka, bo Elżbiyta boła niypłodno. Ôboje byli tyż już doś starzi.
Zachariosz, jak prziszło na jego łoddział dran na służba kapłańsko, wywelowoł tak, jak boło we kapłańskim zwyczaju, wyńś do Pańskego przybytku i złożyć ôfiara kadzynio. Ôrŏz ôbjawioł mu sie janioł Pański, kery stoł po prawyj stronie ôłtarza kadzynio. Zlonk sie festelnie na tyn widok Zacharyjosz i strach go ôblecioł.
Toż janiol mu padoł: "Niy lynkej sie Zacharyjoszu, bo twoja prośba została wysuchano: twoja ślubno, Elżbiyta urodzi ci syna, kerymu dŏsz na miano Jon. Bydzie to dlŏ ciebie radoś i wesele i wielu z jego narodzyniŏ bydzie sie radować. Dyć bydzie ôn wielki w ôczach Pona. Wina i sycery pić niy bydzie, a już we ônie matki bydzie napełniony Duchym Świyntym. Mocka z dzieckow Izraela nawroci do Pona, ich Boga. Ôn sōm pōdzie przed Nim we duchu i mocy Elijosza, coby herca ôjcōw nakłonic ku dzieckom, a niyusuchliwych do bycia sprowiedliwymi, coby narychrować Ponu lud doskonały.
 |
| Grota Narodzynio św. Jana Krzciciela w Ain Karem |
S Panym Bogiym
Brak komentarzy:
Prześlij komentarz