Ewangelijo po ślōnsku #83

Podle Jona:

Piyrszego dnia po szabacie, wczas rano, jak jeszcze boło ćma, Maria Magdalyna poszła do grobu i ôbŏczyła berga ôd grobu ôdciepano. 

Wczas rano, jak jeszcze boło ćma - przed Bazylikom Grobu w Jerozolimie

Poleciała drapko do Szymona Pyjtra i drugigo ucznia, kerymu Jezus fest pszoł, i padŏ: „Porwali Pona ze grobu i niy wiymy, kaj Go ôstawiyli”.

No toż wylŏz Pyjter i tyn drugi i ruszyli do grobu. Lecieli nojprzōd ôba razym, ale tyn drugi boł gibszy i pryndzyj przilecioł do grobu. Wejrzoł tam ino, ôboczoł płotna, ale niy wlŏz rajn.

Zarŏz za nim przilecioł tyż Szymon Pyjter. Wlŏz do pojśrodka, ôboczoł jak leżom płotna i chusta, kero mioł na gowie, a kero niy leżała razym z płotnami ino boła ôsobno zawiniono na jednym placu. Ôboczoł i uwierzoł. A przōdzi niy poradziyli spokopić Pisma, kaj je napisane, że Ôn mŏ powstać s martwych.

Alleluja!