U dochtora na Frynie

U nos na Frynie kerowniczka przychodnie zakozała frelkom w rejestracyji godać do chorych po ślonsku: KLIK

Plac ze tyj przichodnie z widokym na Werk

Jak by to skomyntować?

Za komuny prziszła babinka do dochtora i mu pado:

- Panie dochtorze, porzond mie strziko w gwieździe, ale festelnie, że niy poradza strzimać

- Kaj wos strziko babciu? 

- No, we gwieździe

- Pokożcie ino, kaj to je, bo niy wiym ło co sie wom rozchodzi

- No sam

- A! W krziżu!

- Ja, w krziżu. Jo bych tak zaroz pedziała, ale żech niy wiedziała czy dochtor som komunista czy katolik, ale terozki widza, że katolik

Jak sie chore na Frynie niy dogodajom z dochtorami, to to niy bydzie wina ani tych chorych, ani komuny. 

Łostońcie z Bogiym!