Podle Mateusza:
Jak Jezus usłyszoł, że Jona zawarli w hereście, stracioł sie stamtond i poszoł do Galileje. Przekludzioł sie jednakoż z Nazarytu do Kafarnaum nad jezioro na hranicy hajmatow Zabulona i Neftalego. Tak sie miało wyłonaczyć to, co rzeknoł prorok Izajosz: Hajmat Zabulona i hajmat Neftalego, po drodze ku morzu, Zajordanie, Galileja poganow! Ludziska, kerzy siedzieli po ciymku, łoboczyli wielgo klara i pomiyszkańcom ciynistyj krajiny śmiertki wylazła klara.
Łod wtedy zaczon Jezus godać kozania: Nawroćcie sie, bo zaro bydzie krolestwo niybieske.
Jak szoł kole Jeziora Galilejskego, Jezus łoboczoł dwoch bracikow: Szymona, kerego wołali Pyjter i jego brata Andrzyja, jak ciepali sieć do jeziora bo byli rybokami. No to im pedzioł: Podźcie za Mnom, a zrobia z wos rybakow łod ludziow. Łoni na szlag łostawiyli sieci i poszli za Nim.
Konsek dalij łoboczoł inkszych bracikow: Kuby i Jona, synkow łod Zebedeusza, jak ze swojim łojcym reperowali w łajbie swoje sieci. Ich tyż powołoł. A łoni tyż na szlag łostawiyli łajba, łojca i poszli za Nim.
Kolyndowoł Jezus bez cołko Galileja, głosiol kozania we tamtejszych kościołach, kaj godoł Ewangelijo ło krolestwie i kurowoł wszyjske chorobska i słabości łod ludziow.
Łostońcie z Bogiym
Brak komentarzy:
Prześlij komentarz