Podug Łukasza:
Jedyn rŏz - jak ciźba sie zrobiyła kole Jezusa, coby suchać słowa Bożego, a Ôn stoł nad jeziorym Genezaret - zoboczōł dwie łodzie, kere stoły przi brzegu. Ryboki zaś wyszli s nich i pukali sieci. Wlŏz do jednyj z łodzi, do tyj ôd Szymona i poprosiōł go, coby trocha ôdbiōł ôd brzegu. Potym sie zicnōł i ze łodzi nauczoł wszyjskich.
 |
| Jŏ na Jeziorze Genezaret |
Jak skōńczōł gŏdka, padoł do Szymona: "Wypłyń na głymboke i ciepnijcie sieci na fisze!" A Szymon ôdpedzioł: "Miszczu, cołko nocka my łowiyli i nic sie niy udało chycić. Ale na Twoje słowo, ciepna sieci jeszcze roz!". Jak ino to wyłonaczoł, chycili tela fiszōw. że sieci zaczły sie targać. Zawołali kamratow ze drugij łodzi, coby im pomogli. Ci podpłynyli i nafolowali łobie łodzie tak festelnie, że prawie sie dulkły.
Jak to ôbŏczoł Szymon Pyjter, przipŏd Jezusowi do nogōw i padoł: "Ôstŏw mie i idź fort, bo jŏ je człek grzyszny". Dyć i jego i jego kamratōw festelnie zadziwowōł tyn połōw fiszōw, tak samo, jak Jakuba i Jōna, synōw ôd Zebedeusza, kerzy byli spōlnikami Szymona.
A Jezus padoł do Szymona: " Niy strachej sie, ôd terŏzki ludziōw bydziesz łowiōł". I jak wyciōngli łodzie na brzeg, ôstawiyli wszyjsko i poszli za Nim.
Ôstōńcie z Bogiym
Brak komentarzy:
Prześlij komentarz