Podug Jōna:
We Kanie Galilejskij bōło weselisko, na kerym bawiyła Matka Jezusa. Zaprosiyli tyż na nie Jezusa i Jego uczniōw. A kiej brakło wina, Matka Jezusa padała do Niego: "Niy majom już wina". Jezus Jij ôdpowiedzioł: "Czy to moja abo Twoja sprawa, Niywiasto? Dyć jeszcze niy prziszoł na Mie czas?" Wtynczŏs Matka Jego pedziała do sug: "Wyłōnaczcie wszyjsko, co wōm powiy".
Stoło tam sześ kamiynnych stongwi naszykowanych do żydowskich ôczyszczyń, z kerych kożdo mogła pomieścić dwie abo trzi miary. Jezus padoł do sug: "Napełnijcie stongwie wodom". I nafolowali je aże pod rant. Potym pedzioł do nich: "Nalyjcie tera staroście weselnymu i mu zaniyście". Toż zaniyśli.
 |
| Wino z Kany Galilejskiej |
Dyć jak starosta szluknōł sie wody, kero zrobiyła sie winym - a niy wiedzioł skōnd to je, ino sugi wiedzieli - kŏzoł zawołać pōna modego i pedzioł do niego: "Kożdy człek nojprzōd dŏwŏ dobre wino, a jak sie napijōm, wtynczŏs bardzij cyganione. Ty żeś uchowoł dobre wino, aże do terozka".
Taki to poczōntek znakōw wyłōnaczoł Jezus w Kanie Galilejskij. Ôbjawił swoja kwała i uwierzyli w Niego Jego ucznie.
Ôstōńcie z Bogiym
Jedna z piękniejszych Ewangelii. Jak myslicie o czym było dziś kazanie? O antykoncepcji.. Czego nie rozumiecie?
OdpowiedzUsuń