Podug Marka:
Jezus poszoł sie ze ôkolic Tyru i bez Sydon prziszoł nad Jezioro Galilejske, kaj sie dostoł bez ziymie Dekapolu.
 |
| Geraza - jedno z miast Dekapolu |
Przikludziyli ku Niymu gochoniymego i prosiyli, coby położōł na niego rynka. Ôn wziōn go na bok ôd ciźby, wsadziōł palce w jego uszy i ślinom tyknōł mu jynzyka. Wzdychnōł w niebo i mu padoł: "Effatha", to je: Ôtwōrz sie. Zarŏzki ôtwarły sie jego uszy, jynzyk sie rozwiōnzoł i mōg do porzōndku gŏdać.
Jezus przikŏzoł im, coby żŏdnymu niy rozgŏdali. A dyć im wiyncyj im przikazowoł, tym bardzi ô tym klachali. I festelnie udziwiyni gŏdali: "Dobrze wszyjsko uczyniōł. I guche słyszōm, i niymowy, gŏdajōm skuli Niego".
Ôstōńcie z Bogiym
Brak komentarzy:
Prześlij komentarz