Podug Mateusza:
Jezus poczōn dŏwać znać swojim uczniōm, że musi iś do Jerozolimy i mieć festelne utrŏpiynia ôd starszych i arcykapłanōw i tyż ôd uczonych we Piśmie; że bydzie zabity i za czi dni zmartwychstōnie.
Toć Pyjter wziōn Go na bok i zaczōn Go szterować: "Pōnie, niych Cie PonBóczek broni! Dyć to niy moge przijś na Cia". No toż Jezus sie zwyrtnŏ i padoł do Pyjtra: "Slyź mi z ôczu pieroński diŏble! Je żeś mi zawalidrogom, bo niy dŏwŏsz pozōr na to co Boske, a ino na to co ludzke".
No toż Jezus pedzioł do swojich uczniōw: "Jak ftoś kce is za Mnōm, niych sie zaprze somego siebie, niych biere swōj krziż i niych sie podŏ na Mie.
 |
| Na Górze Przemienienia |
Bo jak ftoś kce ôcalić swōj żywot, straci go; a fto straci swōj żywot skuli Mie, tyn go znojdzie. Co przijdzie człeku s tego, choby wygroł cołki świat, a przegroł swoja dusza? Abo za co ftoś poradzi swoja dusza ôdkupić nazŏd? Toż Syn Człowieczy przijdzie w kwale swojigo Ôjca cuzamyn ze swojimi janiołami i wtedy do curik kożdymu podug jego uczynkōw".
Ôstōńcie z Bogiym
Brak komentarzy:
Prześlij komentarz