Podug Mateusza:
Kiej Jezus prziszli kajś kole Cezareji Filipowyj, pytali uczniōw: "Za kogo ludzie majōm Syna Człowieczego?" A ôni Mu ôdpedzieli: "Jedni za Jōna Krzciciela, inksze za Elijosza, jeszcze inksze za Jerymiosza abo inakszego proroka".
Toż Jezus ich spytoł: "A wy za kogo Mie mocie?"
Ôdpedzioł Mu Szymon Pyjter: "Tyś je Mesyjosz, Syn Boga żywego".
Na to Jezus mu padoł: "Błogosławiony żeś jes, Szymonie, synu Jōna. Dyć nie ôbjawioły ci tego ciało i krew, ino mōj Ôjciec, kery je w niebie. Toż Jŏ ci godom: Tyś je Pyjter, czyli Skała, i na tyj skale zbuduja mōj Kościōł, a pierōństwa piekelne, go niy zburzōm. I tobie dōm klucze krōlestwa niybieskego; cokolwiyk zasznurujesz na ziymi, bydzie zasznurowane we niebie, a co rozsznurujesz na ziymi, bydzie rozsznurowane we niebie".
 |
| Kafarnaum 2018 |
Wtynczŏs ôstro im nakŏzoł, coby żŏdnymu niy wyklachali, że Ôn je Mesyjoszym.
Ôstōńcie z Bogiym
Brak komentarzy:
Prześlij komentarz