Podług Łukasza:
Jezus, jak kajś boł, to rzykoł, a jak skōńczōł, to jedyn s Jego uczniōw Mu padoł: "Pōnie naucz nos rzykać tak, jak Jōn tuż nauczył swojich uczniōw".
 |
| Przi kościele Pater Noster we Jerozolimie |
Toż Ôn im rzek: "Jak bydziecie rzykać, to gŏdejcie tak:
Ōjcze, niych się świynci Twoje miano; niych przidzie Twoje krōlestwo! Chlebiczka naszego powszedniego nōm dŏwej, na kożdy dziyń i przebŏcz nōm nasze grzychy, bo i my przebŏczōmy tym kerzy nōm zawiniyli. I niy dej, coby nos pokusa przełōnaczyła".
Dalij do nich gŏdoł: "Kery s wos, jak mŏ kamrata, pōdzie do niego w środku nocy i mu powiy: Kamracie, pożycej mi trzi bochynki chleba, bo mōj pszociel prawie przijechoł na byzuch, a jŏ niy mōm nic w chałpie. A tamtyn ôdrzeknie ze środka: dej mi świynty spokōj. Dźwiyrza mōm już zawarte i śpia s dzieckami w jednym łōżku. Niy moga wstać i ci dać. Dyć wōm godom, choby niy wstoł skuli tego, że je jego kamratym, to skuli tego, że je zmierzły, do mu to, czego mu trza.
I Jŏ wōm godom: proście, a bydzie wōm dane; szukejcie, a znojdziecie; klupejcie, a wōm ôtworzōm. Dyć kożdy, fto prosi, dostŏwŏ, fto szukŏ, znojduje, a tymu, kery klupie, ôtworzōm. Jak keregoś z wos, ôjcōw, syn poprosi ô chlyb, czy do mu puta? Abo ô fisza, czy do mu wynża? Abo jak poprosi ô jajco, do mu skorpiona? Dyć jak wy, pomimo, iście som źli, poradzicie dŏwać swojim dzieckōm dobre dary, to co dopiyrŏ Ôjciec s nieba, kery do Ducha Świyntego tym, co Go proszōm.
Ôstōńcie s Bogiym
Brak komentarzy:
Prześlij komentarz