Podug Marka:
Jak wyleźli z synagogi, Jezus prziszoł z Jakubym i Jōnym do chałpy Szymona i Andrzeja. A teściowo Szymona leżała niymocno, bo miała fiber. Zarŏzki Mu ô nij pedzieli. Ôn podlŏz i dźwignōł jōm za rynka, a fiber ustōmpiōł. Toż sie wziyna im rychtować.
Na wieczōr, jak sie zaczło ćmić, przinosiyli do Niego wszyjskich niymocnych i ôpyntanych; i cołke miasto slazło sie pod dźwiyrze. Uzdrowioł mocka z roztōmajtych niymocow i mocka złych duchow wyciep. Ale niy dŏwoł złym duchom gŏdać, bo go znały.
Nad ranym, jak jeszcze boło ćma, wstoł, zebroł sie i poszoł na pustynio, coby porzykać.
 |
| Pustynia - coby porzykać |
Polecioł za Nim Szymon z kamratami, a jak Go znŏdli, pedzieli Mu: "Wszyjscy Cie szukajōm". Ale Ôn im padoł: "Pōdźmy kaj indzij, do sōmsiednich miejscowości, cobych i tam mōg nauczać, bo skuli tego żech wyszoł". I chodziōł po cołkij Galileji, kaj nauczoł w jejich synagogach i wyciepowoł złe duchy.
S Panym Bogiym
Brak komentarzy:
Prześlij komentarz