Podug Marka:
Jak Jona zawarli w haryszcie, Jezus poszōł do Galileje i głosiōł Bożo Ewangelija. Godōł: "Czas sie wypełnioł i bliske je krōlestwo Boże. Nawrŏcejcie sie i wierzcie w Ewangelijo!"
Jak szoł kole Jeziora Galilejskego, zoboczoł Szymona i jego brata Andrzeja, jak ciepali sieć we jezioro, bo byli rybokami. I padoł do nich Jezus: "Pōdźcie za Mnōm, a zrychtuja, że ôstaniecie rybokami ludzi". A ôni na szlag ôstawiyli sieci i poszli za Nim.
 |
| Jezioro Galilejske |
Konsek dalij ôboczoł Jakuba, syna Zebedeusza i jego brata Jona, kerzy tyż byli we łajbie i reperowali sieci. Zarŏz ich powołoł, a ôni ôstawiyli swojigo ôjca Zebedeusza cuzamyn ze pomogoczami w łajbie i poszli za Nim.
S Panym Bogiym
Brak komentarzy:
Prześlij komentarz