Ślonzok w Płocku

Tak richtig to niy wiym, jak tam je u nos dzisioj na Ślonsku, bo razuja po Płocku.

Łokropicznie we Płocku

Sam majom pogoda pod psym. Godom Wom, je paskudnie.

Tak trocha szpacyruja wieczor po tym mieście i niy umia sie spokopić, co sam majom takego, jak u nos na Ślonsku.

Misiezdo, że niy łazi ło to, że tyż majom Wisła. Bo sam Wisła to je szyroko, jak pieron, niy take nic, jak u nos w Ustroniu, co po kamolach do rada przeskakiwać na drugi brzeg.

Wisła we Płocku

Niy, to niy je to, że kościoł je we rysztunkach, choby mioł szkody górnicze, jak we Kochlowicach.

Płocko katedra we rysztunkach

Niy idzie tyż ło to, że bulwary som podobne do tych nowych we Katowicach nad Rawom, bo niy som. Niy majom sam ani jednyj palmy, choć ponoć te nasze tyż już schroniyli.

Bulwary nad Wisłom

Ja, już wiym! Jak wiater dmuchnie łod strony rafineryje, to sam majom luft, jak downij u nos, jak jeszcze robioła Koksownia Walynty. 

Rafineryjo

Ja, wtedy sam je, jak u nos piyrwyj na Ślonsku!

Łostońcie z Bogiym!