Podug Marka:
Jezus pedzieli do swojich uczniōw:
Wtynczŏs, po wielkim ucisku "klara sie zaćmi i miesiōnczek niy bydzie blyndziōł.
 |
| Miesiōnczek niy bydzie blyndziōł |
Gwiŏzdy bydōm slatywać s nieba i moce na niebie" bydōm poczonśniynte. Wtynczŏs zoboczōm Syna Człowieczego, jak przichodzi we ôbłokach s wielgōm mocom i kwałōm. Wtynczŏs pośle Ôn janiołōw i "zgrōmadzi swojich wybranych ze sztyrech stron świata, ôd krańca ziymi, po kraniec nieba".
A ôd figowca uczcie sie, jak to na niego je podane. Jak już jego asta mŏ soki i puszczo liście, poznŏwŏcie, że zaro bydzie lato. Tak samo i wy, jak zoboczycie, co sie dzieje, wiydzcie, że to je już blisko, stoji u dźwiyrzy.
Na zicher wōm godom: Niy przeminie te pokolynie, aże sie to wszyjsko wyłōnaczy. Niebo i ziymia przeminōm, ale słowa moje niy przeminōm. A dyć ô tym dniu abo godzinie żŏdyn niy wiy, ani janioły w niebie, ani Syn, ino Ôjciec.
Ôstōńcie z Bogiym
Brak komentarzy:
Prześlij komentarz