Podug Marka:
Jakub i Jōn, syny Zebedusza, prziszli ku Jezusowi i padali: "Nauczycielu, tak by my kcieli, cobyś nom wyłōnaczoł to, ô co Cie poproszymy".
Ôn ich spytoł: "Co byście ôdy Mie kcieli?"
Toż Mu padali: "Dej nom, coby my we Twoij kwale sie mogli zicnōńć jedyn po lewyj, a drugi po prawyj Twoij stronie".
Jezus im ôdpedzioł: "Niy wiycie ô co prosicie. Czy mogecie pić kelich, kery Jŏ mōm pić abo przijōńć krzest, kerym Jŏ mōm być ôkrzczony?"
Ôdpedzieli Mu: "Mogymy".
Toż Jezus padoł do nich: "Kelich, kery Jŏ mōm pić, po prŏwdzie pić bydziecie i krzest, kery Jŏ mōm przijōńć, wy tyż przijmiecie. Niy do mie jednakowoż przinŏleży dŏwać plac po mojij stronie lewyj abo prawyj, ino dostanie sie ôn tym, dlŏ kerych ôstōł narychtowany".
 |
| Japostoły na dachu Bazyliki św. Pyjtra w Rzymie |
Jak to usłyszeli pozostałe dziesiyńć, festelnie sie gorszyli na Jakuba i Jōna. A Jezus ich zawołoł do sia i padoł do nich:
"Wiycie, że ci, kerzy mianujōm sie władcami nacyjōw, cisnōm je, a ich ołbry dajōm im wyćwika swojōm władzōm. Niy tak bydzie pōmiyndzy wami. Dyć, jak ftoś s wōs kciołby ôstać wielki, niych bydzie waszym sugōm. A fto by kcioł być piyrszy pōmiyndzy wami, niych bydzie niywolnikym wszyjskich. Bo i Syn Człowieczy niy prziszōł, coby mu sużōno, a coby sużyć i dać swoji żywobycie na ôkup za mocka ludziōw".
Ôstōńcie z Bogiym
Brak komentarzy:
Prześlij komentarz