Czytanie z Dziejōw Japostolskich
Paweł i Barnaba prziszli curik do Listry, do Ikonium i do Antiochii, umocniali dusze uczniōw i przinoglali do wytrwaniŏ we wierze, "bo bez mocka presy trza nom wyńś do krōlestwa Bożego". Kiej we kożdym Kościele przi rzykaniu i postach mianowali im ołbrow, poleciyli ich Pōnu, we kerego uwierzyli.
Potym przeleźli bez Pizydio i prziszli do Pamfilie. Głosiyli słowo w Perge, zaszli do Attalie, a tamstōnd ôdpłynyli do Antiochii, kaj za łaskom Boskom ôstali przeznaczyni do tego, co tam wyłōnaczyli.
Kiej sie tam zjowiyli, sebrali tamtejszy Kościōł i ôsprawiali, jak mocka rzeczy Bōg bez nich zdziałoł i jak ôtwar dlŏ pogan dźwiyrza do wiary.
Czytanie z Apokalipsy Świyntego Jōna Japostoła
Jŏ, Jōn, ujrzōł żech nowe niebo i nowo ziymia, bo piyrsze niebo i piyrszo ziymia przepadły i morza już niy ma.
 |
| Piyrsze Jeruzalym |
I Miasto Świynte - Jeruzalym Nowe ujrzōł żech zstympujōnce ze nieba ôd Boga, wysztiglowane, jak modo pani, co sie kce poasić dlo swojigo szaca. I usłyszoł żech festelny głos, kery gŏdoł ôd tronu: "Dyć to je przibytek Boga ze ludziami: i zamiyszkŏ cuzamyn s nimi, i bydōm ôni Jego ludym, a Ôn bydzie Bogym s nimi. I wytrze z ich ôczow wszyjske płaczki, a śmierci już niy bydzie. Ani smutku, ani wajanio, ani ciynżkości już niy bydzie, bo prziyrsze rzeczy przepadły".
I pedzioł Tyn kery siedzi na tronie: "Dyć ônacza wszyjsko nowe".
Alleluja!
Brak komentarzy:
Prześlij komentarz