Jezus wybrali sie kajś tam kole Tyru i Sydonu. Łoroz Kananyjka skondś sie znodła i zaczła wajać: "Zlituj sie nady mnom Ponie, Synu Dawida! Moja cera je fest łonaczono bez diobła," Ale Łon sie w ogle niy łodezwoł.
Toż niy strzimali Jego ucznie i Mu godajom: "Koż wyciepać, ta baba, bo larmuje za nami." Dyć Łon im łodpedzioł: "Jo je posłany ino do łowiec, kere stracioły sie z doma Izraela."
Ale łona prziszła ku nim, padała na klynczki i prosioła: "Ponie, dopomoż mi." No, toż Łon ij padoł: "To niy ma tak, żeby wziońć chlyp dzieciom, a wciepnońć go psiokom."
 |
| Chlyp |
A łona na to: "No, ja, Ponie, ale i psioki sie nażrom kruszkow, kere slatujom ze stołu jejich panow."
W tyn czas Jezus jij łodpedzioł: "Ło kobiyto, wielgo je twoja wiara; niych ci bydzie, jak kcesz!". Łod tyj kwili jejij cera boła zdrowo.
S Panym Bogiym
Brak komentarzy:
Prześlij komentarz