Czytanie z Ksiyngi proroka Daniela
Wtynczŏs wystōmpi Michoł, wielgi ksiōnże, kery je patrōnym dziecek twojij nacyje. Wtedy bydzie czas ôstudy, jakij jeszcze niy boło, odkōnd wyłōnaczyły sie nacyje, aż do tyj kwili. Wtynczŏs nacyjo twoja erbnie zbawiynie: ci wszyjscy, kerzy stojōm zapisani w ksiyndze. Zaś mocka tych, kerzy śpiōm we marasie ziymi, ôbudzi sie: jedne do wiecznego żywota, a inksze ku hańbie, ku wiecznyj ôdrazie.
 |
| Z kościoła w Brzegu |
Mōndre bydōm sie miechtać, jak glanc powōłu nieba, a te, kere mocka ludziow wysztudyrowali we sprowiedliwości, jak zwiezdy na wieki i na zowżdy.
Czytanie z Listu do Hebrajczykow
Kożdy Kapłan Starego Testamyntu stŏwŏ co dziyń do wyłōnaczynio swojij sużby i wiela razy skłŏdŏ te same ôfiary, kere żŏdnōm miarom niy poradzōm zgładzić grzychōw. Tyn, przeciwnie, złożoł rŏz a porzōndnie jedna ôfiara za grzychy, zasiod po prawicy Boga i czeko ino, "aż niyprzijaciele Jego ôstanom sie jako ryczka pod Jego nogi". Dyć jednōm ôfiarom udoskonaloł na wieki tych, kerzy sōm uświyńcyni. Kaj zaś je jejich ôdpuszczynie, tam już wiyncyj niy trza ôfiary za grzychy.
Ôstōńcie z Bogiym
Brak komentarzy:
Prześlij komentarz