Za bajtla pamiyntom, że w Barborka, to mie zawsze zaro z rana budzioła łorkestra. Musioł naprzeciwko w bloku miyszkać jakiś abo sztajger, abo kapelmajster, to mu robiyli pobudka.
Jedyne zdjyńcie górniczyj łorkestry jake mom, to akurat z pogrzebu mojego teścia.
Piyknie wtedy grali. A trza Wom wiedzieć, że moj teść bez cołke życie boł muzykantym i nawet kaplemajstrym na Pokoju, kery dyrygowoł całom ferajnom z czerwonymi piorami na czakach.
Dzisiej moj teść pewnie z nieba dowo pozor na tych muzykantow, co sie jeszcze łostali i grajom to tu, to tam skuli górniczego świynta na Mszach, na paradach i na karczmach.
 |
| Św. Barbara w węglu z kaplicy przy Silesia City Center |
Świynto Barborko rzykej za nami, coby nos wszystkich, a nojbardzij gorników Opatrzność prowadzioła, coby niy boło zawałow, wybuchow i innych pieroństw na gróbie, coby wszyjscy wyjechali zawsze na wiyrch tyla razy, wiela razy szychta zaczynajom. Amyn.
Szczyńść Boże !!!
Brak komentarzy:
Prześlij komentarz