niedziela, 9 kwietnia 2017

Ewangelijo po Ślonsku #29

Podle Mateusza:

Jak już byli blisko Jerozolimy i przijszli do Betfage na Gorze Łoliwnyj, toż Jezus posłoł dwóch uczniow i im godo: "Idźcie do wsi, kero je na wprost, a tam znojdziecie łoślica ze źrebokym. Łodwiążcie jom i przykludźcie do Mie. Jakby wos ftoś zaczepioł, to mu godejcie: "Pon je potrzebuje, ale potym je łoddo".

Dyć sie to dzioło, coby sie spełonioła godka Proroka: "Godejcie do Cery Syjonu: Dej pozor, bo Krol twoj przichodzi do ciebie łagodny, siedzi na łosiołku, źreboku łoślicy".

Ucznie poszli i wyłonaczyli wszysjko, jak im Jezus kozoł. Przikludziyli łoslica i źreboka, na kerego rozciongli swoje mantle, a Łon sie na nich siod. Pełno ludziow rozciongło tyż swoje mantle na drodze, a inksze łopajtali witki ze drzewow i tyż je słali na ziym. 

Palmy w Izraelu


A wszyjscy co szli przed Nim i za Nim festelnie wołali:

"Hosanna Synowi Dawida!
Błogosławiony Tyn, kery przichodzi w imie Pańskie!
Hosanna na wysokościach!"

Jak wjechoł do Jerozolimy, cołke miasto boło na nogach i porzond pytali: "Fto to je?" A wszysjcy łodpedzieli: "To je prorok, Jezus z Nazarytu w Galileji".




S Panym Bogiym



Brak komentarzy:

Prześlij komentarz

Etykiety

zdjęcia (933) wiara (542) podróże (400) polityka (311) rodzina (267) Pismo Św. (260) Śląsk (208) humor (200) po ślonsku (177) historia (165) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (71) ogród (68) Ruda Śląska (67) Grupa Poniedziałek (66) filozofia (63) Jan Paweł II (58) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (14)