niedziela, 16 kwietnia 2017

Ewangelijo po ślonsku #30

Podle Jona:

We niydziela, wczas rano, jak jeszcze boło ćma, Maria Magdalyna pońszła do grobu i łoboczyła berga łod grobu łodstawiono. Poleciała gipko do Szymona Pyjtra i drugego ucznia, kerymu Jezus fest pszoł, i pado: „Porwali Pona ze grobu i niy wiymy, kaj Go łostawiyli”.

No toż wyloz Pyjter i tyn drugi i ruszyli do grobu. Lecieli nojprzod łoba razym, ale tyn drugi boł gibszy i pryndzyj przileciol do grobu. Bliknoł tam ino, łoboczoł płotna, ale niy wloz rajn.

Prozny Grob w Jerozolimie

Zaroz za nim przilecioł tyż Szymon Pyjter. Wloz do pojśrodka, łoboczoł jak leżom płotna i chusta, kero mioł na gowie, a kero niy leżała razym z płotnami ino boła łosobno zawiniono na jednym placu. Łoboczoł i uwierzoł. No bo dotąd niy spokopiyli jeszcze Pisma, kaj je napisane, że Łon mo powstać s martwych.



Alleluja!



1 komentarz:

Etykiety

zdjęcia (980) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)