We ôstatni szwortek, po ôficjalnyj czynści trefu z Marcinym Melonym, ô czym żech już spominōł KLIK, kupiōłch sie jego ôstatnio ksiōnżka i poszōłch prosić ô autograf.
 |
| Dedykacyjo |
Przi ôkazji pedziołch Autorowi, że czasym tyż na mojim blogu cosik tam po ślōnsku szkryfna. Pon Marcin sie mie zapytōł, co to za blog? Toch mu sie przedstawiōł i gõdōm, że musi wyguglać "Andrzej Cichoń blog", to znõjdzie.
Zapewniōł mie, że jak znojdzie kwila czasu, to zajrzy.
A jõ sie pomyślōł, że to fest uprzejme z jego strony, ale pewnie i tak niy zapamiynto, jak jõ sie nazywōm.
No i wrōciłch do dōm i zaczynōm czytać ôstatniego Komisōrza Hanusika. Zarōz na szesnōstyj stronie na wiyrchu taki tekst, że aż mie zatkało:
- Pani Cichōniowo! - ôroz doleciało dō nij z keregoś łokna. - Jo to tak na wos filuja i żech dała pozōr, że wy w kożdy czwortek o jednym czasie kajś idziecie i ô jednym czasie prziłazicie nazod.
- A wiycie, pani Bregułowo - Cichōńka udowała, że blank niy ma znerwowano na ta wrazidlato ōuma - poszła żech do kōnsōmu, a kaj jo mogła żech iś?
Potym sie ôkozało, że Cichōńka zaciukała swojego chopa Zefla Cichōnia nudelkulom...
Tera już wiym, że Marcin Melon moge bez problymu zapamiyntać, jak jõ sie nazywōm i możno richtik kiejś sam na mōj blog zajrzy.
S Panym Bogiym
P.S. Ôd tera sie trocha lynkōm moijij ślubnyj, jak biere do rynki nudelkula :)
Edytowane na bardzij poprawny ślōnski - luty 2026
Brak komentarzy:
Prześlij komentarz