Podug Mateusza:
Jak już byli blisko Jerozolimy i prziszli do Betfage na Gorze Ôliwnyj, toż Jezus posłoł dwóch uczniów i im pedzioł: "Idźcie do wsi, kero je jakbyście szli sam na przima, a tam znojdziecie ôślica ze źrebokym. Ôdwiążcie jōm i przekludźcie do Mie. Jakby wos ftoś sie ô coś spytoł, to mu gŏdejcie: "Pon ja potrzebuje, ale potym ôddo ja curik".
 |
| Ôsioł |
Dyć sie to dzioło, coby sie wyłōnaczyła gŏdka Proroka: "Gŏdejcie do Cery Syjonu: Dej pozōr, bo Krōl twōj przichodzi do ciebie łagodny, siedzi na ôsiołku, źreboku ôślicy".
Ucznie poszli i zrobiyli wszyjsko, jak im Jezus kŏzoł. Przikludziyli ôślica i źreboka, na kerego rozciōngli swoje mantle, a Ôn sie na nich siŏd. Mocka ludziow rozciōngło tyż swoje mantle na drodze, a inksze ôpajtali witki ze drzewow i tyż je słali na ziym.
A wszyjscy co szli przed Nim i za Nim festelnie wołali:
"Hosanna Synowi Dawida!
Błogosławiony Tyn, kery przichodzi we Pōńskie miano!
Hosanna na wysokościach!"
Jak wjechoł do Jerozolimy, cołke miasto bōło na nogach i porzōnd pytali: "Fto to je?" A wszyjscy ôdpedzieli: "To je prorok, Jezus z Nazarytu we Galileji".
Ôstōńcie z Bogiym
Brak komentarzy:
Prześlij komentarz