niedziela, 28 lipca 2019

Wanielijo po ślōnku #107

Podług Łukasza:

Jezus, jak kajś boł, to rzykoł, a jak skończoł, to jedyn s Jego uczniow Mu padoł: "Pōnie naucz nos rzykać tak, jak Jōn tuż nauczył swojich uczniōw".

Przi kościele Pater Noster we Jerozolimie 


Toż Ôn im rzek: "Jak bydziecie rzykać, to godejcie tak:

Ōjcze, niych się świynci Twoje miano; niych przidzie Twoje krōlestwo! Chlebiczka naszego powszedniego nom dowej, na kożdy dziyń i przebocz nom nasze grzychy, bo i my przeboczomy tym kerzy nom zawiniyli. I niy dej, coby nos pokusa przełonaczyła".

Dalij do nich godoł: "Kery s wos, jak mo kamrata, pōdzie do niego w środku nocy i mu powiy: Kamracie, pożycej mi trzi bochynki chleba, bo mōj pszociel prawie przijechoł na byzuch, a jo niy mom nic w chałpie. A tamtyn ôdrzrknie ze środka: dej mi świynty spokōj. Dźwiyrza mom już zawarte i śpia s dzieckami w jednym łōżku. Niy moga wstać i ci dać. Dyć wom godom, choby niy wstoł skuli tego, że je jego kamratym, to skuli tego, że je zmierzły, do mu to, czego mu trza.

I Jo wom godom: proście, a bydzie wom dane; szukejcie, a znojdziecie; klupejcie, a wom ôtworzom. Dyć kożdy, fto prosi, dostowo, fto szuko, znojduje, a tymu, kery klupie, ôtworzōm. Jak keregoś z wos, ôjcōw, syn poprosi ô chlyb, czy do mu puta? Abo ô fisza, czy do mu wynża? Abo jak poprosi ô jajco, do mu skorpiona? Dyć jak wy, mimo, iście som źli, poradzicie dować swojim dzieckom dobre dary,  to co dopiyro Ôjciec s nieba, kery do Ducha Świyntego tym, co Go proszom.


Ôstońcie s Bogiym





Brak komentarzy:

Prześlij komentarz

Etykiety

zdjęcia (1624) wiara (721) podróże (597) polityka (482) Pismo Św. (448) po ślonsku (335) rodzina (312) Śląsk (278) historia (242) humor (236) Kościół (199) zabytki (180) człowiek (178) praca (175) Halemba (172) sprawy społeczne (139) muzyka (122) książka (112) gospodarka (108) Ruda Śląska (101) Grupa Poniedziałek (92) filozofia (85) ogród (80) Jan Paweł II (77) sport (68) święci (61) dziennikarstwo (55) miłosierdzie (51) film (47) biurokracja (46) środowisko (43) muzeum (42) varia (32) Papież Franciszek (30) Szafarz (27) św. Jacek (21) teatr (17) dom (7) makro (2)