niedziela, 5 marca 2017

Ewangelijo po Ślonsku #24

Podle Mateusza:

Duch wykludzioł Jezusa na pustynia, coby Go mioł kusić dioboł. A jak już pościoł sztyrdziści dni i sztyrdziści nocy, zrobioł sie w końcu głodny.

Wtedy prziloz ku Niymu kusiciel i godo: Jakś Ty je Syn Boży, rzeknij tym kamolom coby sie smiyniły we chlyb.

Dyć mu Jezus zaroz łodpedzioł: Stoji napisane: "Niy samym chlebym żyje czlowiek, ino kożdym słowym, kere pochodzi z Bożych ustow".

Wtedy wzion Go dioboł do Świyntego Miasta, postawioł na wiyruchu winkla świontynie i Mu pedzioł: Jakś Ty je Synym Bożym, ciepnij sie w doł, bo stoji napisane: "Janiołom swojim koże, coby cie na rynkach nosiyli, byś bez cufal niy piznoł nogom ło jako puta".

Łodpedzioł mu Jezus: Ale stoji tyż napisane: "Niy bydziesz Pon Bóczka robioł za błozna".

Jeszcze roz wzion Go dioboł na srogo gora, doł Mu pofilować na wszyjske krolestwa na świecie i na jejich bogoctwo i Mu pedzioł: Dom Ci to wszyjsko, jak klynkniesz przedy mnom.

Na to mu Jezus łodpedzioł: Idź raus szatanie! Dyć stoji napisane: "Przed Pon Bóczkiym swojym bydziesz ino klynkoł i Jymu samymu bydziesz służoł".


Wtedy dioboł sie łod Niego poszoł wek, a przifurgli janioły i Mu posługiwali.



S Panym Bogiym




Brak komentarzy:

Prześlij komentarz

Etykiety

zdjęcia (979) wiara (550) podróże (411) polityka (325) rodzina (269) Pismo Św. (268) Śląsk (214) humor (206) po ślonsku (186) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)